Ýaşuly krizisi

Eger-de ýaşula don bilen telpek,
peşeneli sakgal ýeterlik bolsa,
mertebäni guma garyp ogurlyk,
uly boljak kän ekeni çen-çakdan,
göýä bir gyl, ar-namysdan sogurlyp.

Sylanardy ozal uly adamlar,
köpi geçip, azy galan diýilýän,
ýa-da ýaşdan köpeldimi ýaşuly,
gözi doýman, ýer gözleýän iýilýän?

Bir aýagy o dünýäde, beýleki
aýagyna geýip mesisin alyň,
dinini, imanyn satsa ýaşuly,
gara garnyn doýurjaga çagyryp,
ýalan iliň ýaglyk bolar gözüne,
aýdylanda utanyp däl, bagyryp.

Ýaşulusy gutaranda milletiň,
ýaşkiçisi gaçmaly bor baş alyp,
geçir diýme uranlary daş bilen,
dilde aňsat barmak indi aş alyp.