Öleniň talaby

Ýykylaňda el bermedik ýatlary
ýatlamarsyň, kine saklap, gynanyp,
ýöne ýakyn düýpden başga mesele,
hamala görmedik, bilmedik bolup,
egbar, ejiz bilse, gülüp, eselip,
işi düşse, o ýere çen peselip,
seni utandyrjak unutsaň ertir,
bilmänmişiň haçan ýykyldy, gitdi,
beýlekisi, eýlekisi köpeler,
ýatladarlar – pahyr, bimahal ötdi,
diýmek, sen barmaly, papagyň geýip,
hemem ýalan sözlemeli aç-açan,
wah, neresse, gowy adamdy diýip.