Özboluşly utulyş

Ozal bolşewikden utulan millet,
wagon-wagon soldat gelip, gyrylyp,
ak mekdepde, gazetli ýa žurnally,
ýetmiş ýyllap depesine urulyp,
gelip-gelip öz-özünden utuldy,
gelip-gelip öýün talaýar indi,
ýykjak bolýan ýaly ýurdun, milletin,
gaçyp çykanynyň yzyndan zyňýar
daşdan agyr bahyllygyn, minnetin,
nämemişin, gutarmaýar zulmatdan,
elini tutmaýar urýanyň özün,
dilini tutmaýar özüni aldap,
özi özün öwüp tutýanyň gözün;
ozal özgelerden utulýardy ol,
bu gün öz-özüni ýok edýär dözüp.