Täsin dünýe
We don’t laugh at what’s going on in our country. Unknown
Örän dogry edýärsiňiz, elbetde,
ýöne başga ýerde bolýan zatlara
uzak gülseň, belki, gelýär üstüňe,
käte ara daş bolsa-da çen-çakdan,
meger indi öwrenmegiň wagtydyr:
başga birne gülen bolmak gerek däl,
diňe özüň bilen bolmak gerek däl,
sebäbi belli zat itiň alnyna
gelen işler gurdy sylamaz, goýmaz,
bu dünýe şeýle bir gezekli çemçe,
gan içenler ganmaz, adamhor doýmaz.