Günä geçisini tapmaly hökman,
tutmaly-da eltip çöle atmaly,
göý, şam bolsun tilki, şagal, möjege,
ynjalmaly eden ýaly uly iş,
iki, üç gün garaşmaly, bisabyr,
göz dikilen rahatlyk gelmese...

Işçi, daýhan boljak ýokdy başarsa,
ýa diplomsyz galjak ýokdy başarsa,
tanyş görüp, malyn satyp adamlar,
çagalaryn ýerleşdirip okuwa,
düşewüntli, gowy ýerde işledip,
oýnajakdy zamananyň kartyny...

Iki, üç gün Görogly,
haýbat atyp, owsunyp,
ýitip gitmän dördünji gün,
goşulmaýan şere bilip,
goraýanlar özün, ilin,
ýa gorajak bolýan, gülüp...

Ogry bolýar iki hili,
adaty hem sap syýasy,
biri seniň puluň, malyň
ogurlaýar, alyp gidýär,
gije-girim, ýa günortan,
gapyl basyp, göze ilmän...

Has uludan ogurlasaň,
tutulmasaň, goldawyň kän,
Alla berýär diýip oňa,
aklaýarlar seni bilip,
eden işiň galat bolsa,
talaňçylyk bolsa hatda...

Düşünjek bar ýaly, adam
gürrüň edýär käte gyzyp,
soň düşünýär gürlemese,
lal, ker bolsa gowudygyn,
sebäbi hiç düşünmeýär
näme diýýär gürrüňdeşi...

Başlyk bolsaň uly, kiçi,
işgärlerden işleýän kän,
ertir irden gelip işe,
gaýdyp işden hemmeden soň,
kän esse köp aýlyk almak,
hözir görmek ýeterlik däl...

Syn ýazardym kitaplara ýaşlykda,
özüm bilmän eser näme aslynda,
heser näme, heläk edýän adamy,
obalydym, oglan göwnüm hüwdiläp,
uçurýardym Kap dagynyň başyna,
soň düşündim, gepi ýokdur öýderdim...

O birinde, iň ýokarda oturan,
bu birinde, aşagynda, opuran,
dünýä sygman çilen maly,
näme diýse diýsin millet,
mesele ýok beýle uly,
esasy gep il-ulusda...

Sen özüňi goramaly,
ilki dogan diýilýänden,
doganoglan ýa dolanan,
çykanlardan goramaly,
ýegenlerden, daýy-daýza,
goňşy-golam, hemme edil