Ol oglanlar bize görä
has akylly çykan ýaly,
ýa-da bize urlan şarpyk,
düşen güni il-ulusyň
sapak boldy olara bek,
eşitmedik biziňki dek

Sen bilersiň, kast edenler,
agyrdanlar seni bilip,
gabanjyndan giň dünýäni,
ýa-da dowla düşüp, näme
eder ýa-da etmez ertir,
ötünç sorar bu birleri...

Seniň gahar-gazabyňy,
ýa ýigrenjiň, ýa ünsüňi
o birine, bu birine
gönükdirer kelte pikir,
ele galam alyp, sözläp,
guly bolan partiýanyň...

Okkupantlar okatmady,
ogurlady çagalygym,
pagta ýygdym diýdi bende,
ýöne kakam zor adamdy,
ýatan ýeri ýagty bolsun,
ferme boldy uzak ýyllar,

Sen sözüni aýdany,
bir, ýeke söz, gerekli,
başyn salyp etege,
gözüň açyp görmeseň,
arkasynda durmak däl,
iň bolmanda pikirde,

Her obanyň ogrusy bar,
her şäheriň egrisi bar,
düzüwler bar ilde, dogry,
ýöne belli, köp däl olar,
çynçylyňky mydam agry,
ýalançyňky ýeňil bolar...

Biri diýdi ne doganym,
ne-de dostum bar meniň,
ýeke däldim bir atadan,
bir eneden, çül-çaga,
köplük bolup ulalypdyk,
sylaglydy ini, aga...

Biri ýazýar, tisginýärsiň,
ahyr bir gün ajal meni
tapanynda görmän, gözläp,
geleninde äkitmäge,
has rahat, gowy ýere,
soraryn men ondan göni...

Düzetmeseň içiňi,
kyn wezipe, düşünip,
gara pikir gelende,
ýa-da nebis, haýasyz,
ýa-da gahar, gözi kör,
aşak basyp, bogmasaň,

Mamla bolmak hatarly,
aýdyp ýürek sözleriň,
ýaşmagyňy açmagayň
bahasy bar, kä gymmat,
gara başyň bermeli,
şondan busýar jemagat...