Sen sözüni aýdany,
bir, ýeke söz, gerekli,
başyn salyp etege,
gözüň açyp görmeseň,
arkasynda durmak däl,
iň bolmanda pikirde,

Her obanyň ogrusy bar,
her şäheriň egrisi bar,
dogrusy bar iliň, dogry,
ýöne belli, köp däl olar,
çynçylyňky mydam agry,
ýalançyňky ýeňil bolar...

Biri diýdi ne doganym,
ne-de dostum bar meniň,
ýeke däldim bir atadan,
bir eneden, çül-çaga,
köplük bolup ulalypdyk,
sylaglydy ini, aga...

Biri ýazýar, tisginýärsiň,
ahyr bir gün ajal meni
tapanynda görmän, gözläp,
geleninde äkitmäge,
has rahat, gowy ýere,
soraryn men ondan göni...

Düzetmeseň içiňi,
kyn wezipe, düşünip,
gara pikir gelende,
ýa-da nebis, haýasyz,
ýa-da gahar, gözi kör,
aşak basyp, bogmasaň,

Mamla bolmak hatarly,
aýdyp ýürek sözleriň,
ýaşmagyňy açmagayň
bahasy bar, kä gymmat,
gara başyň bermeli,
şondan busýar jemagat...

Uruşlaryň nämedigin,
ok-ýaragly ýa galamly,
ol ýere öz oglun, gyzyn,
ýa başga bir ezizini
iberýänçä bilmez adam,
bilmez adam özi baryp,

Bu syýasat, Saparmyrat söýülýär, sylanýar ol, eden ýaly uly iş, wah, boljakdyk üç açarly diýýärler, öldi pahyr, gören ýaly bolduk düýş...

''Haýal etmän atmaly!'' -
Bu Leniniň gowy gören buýrugy,
a Feliks ''Bolar, Iliç'' diýipdir,
ýylgyrypdyr, adaty zat sebäbi,
bolanda nä o birleri ölmeli,
dul galmaly naçarlary yzynda...

Betnebise kürsi gerek ýene-de,
öň gül ekip gaýdan ýaly gürleýär,
tanadanyn bilip, bilmedik bolup,
nijeme ýyl il gözüne derleýär,
kanun diýip, kada diýip dilinde,
meger, agzy çebiş tagamyn alan...