Esasy ýalňyş

Seni çagalykdan bäri,
ýaý edinip, göjek bilen
awlan serçe, gögerçiniň,
ýa-da soňky has ulurak
ters işleriň üçin däl-de,
tüpeň diräp pikiriňe,
düşünjäňe, kitap gözläp,
okan bolup ýalňyşanyň
düşündiren güni güýçli,
bilersiň iň agyr günäň,
ýa esasy jenaýatyň,
görüp, bilip galat atyn
sürenleri il üstünden,
saklamaga synanmakdyr,
ýaragy kän bolsa kimiň,
näme etsin, kösti ýokdur.