Durmuş oýun däl, dostum!

Durmuş oýun däl, dostum,
oýunçy däl hemme kişi,
gyzyl-ala geýinen,
emma birmeňzeş içi;
Ata atlan, pyýada git,
ýa Isa deý, eşek bolsun ulagyň,
(eger agy aýdym bolup eşdilse,
kemi bardyr gulagyň!)

Durmuş oýun däl, dostum,
ýa bolmady hiç haçan,
oýun ýaly görünse-de
seredeňde daşyndan,
ol uruşdy ýa göreşdi,
aýdylanda sypaýy,
her gün irden turaňda
geýinmeli sowudy,
taýýar tutup ok-ýaýy,
gitmeli hatarly ýola,
siňe bakyp saga-sola,
durmuş oýun däl, dostum,
hemem oýnap utulyp,
sögünmek däl ykbala...