Ýowşan Annagurban

Niýet

Görmek üçin açyk göz
hiç ýeterlik däl eken,
çyra ýaly ýansa-da,
eşitmäge goşa gulak
az boljak eken örän,
bolsa bolsun jam ýaly,
şondan köp gözliniň geçýäni göni
ýykylana el bermän,
şondan köp gulaklyň eşitmeýäni,
hem gygyrsaň ylgap gidýäni durman;
görmek üçin düýpsüz gara çukury
bakrap duran goşa göz
ýeterlik däl eken asla,
hemem hiç eşitmez adam,
gazan gulak bersin alla,
dik depeden gelýän takyr-tukury,
niýeti bolmasa, walla...