Internet sapagy

Sen ýaşama, iň esasy
görünjek bol birlerine,
uly bolup, kiçi bolsaň,
ýa akylly, boş halyňa,
okamadyk bolsaň okan,
bilimli bol il gözüne,
ýat tutulan iki-ýeke
bet jümläni gaýtala-da,
görmedik bol kemçiligiň,
ýa ýeňilseň gep-gürrüňde,
gygyr, bula elleriňi,
asy bolsaň diýme asy,
döwen bolsaň çäýnek, käse,
ýa äpişge, göjek atyp,
çagalykdan tutan ýoluň,
döwdüm diýme eger-eger,
iň esasy ak boljak bol,
o birine şarpyk deger,
zyýan ýeter diýme, bilýäň
nadaralyk kömek eder,
ejap eder özün sylan,
aýnap gürle, sögün käte,
gaçar senden asly barlar,
gabaljak dek piri kädä...