Uçan guş

O bir ýurtdan uçan guş,
gonup, düşläp biz ilde,
gyşdan çykdy sag-aman,
boýun, inin ýetirip,
diplom aldy okaman,
gördi, geýip ak halat,
gara işler edilýär,
ýöne howply kähalat,
ili üten tutulýar,
ýa ütülýär tutulman,
gorkdy, başyn gutardy
o bir ýurda göçdi-de,
garyp-gatyp bilenin,
bilmeýänin il hakda,
diýdi dile gelenin,
ýüregini görkezip,
ýene bolsa geljek ol,
başarsa güljek ezip...