Ölen gaýratyň gaýtadan dogulmagy

Urulýanyň, ýenjilýäniň
arkasynda dogany däl,
telefony bolsa elde,
ýüreginde bolsa isleg,
beýnisinde üşük bolsa,
iýýän bolsa halal çörek,
düzüw bolsa terbiýesi,
klasdaşy durup bilýär,
urup bilýär uranlary,
ele taýak, kesek alman,
ile sapak berip bilýär,
ýesir düşen ýerden galman,
bu bir döwür, ýazyjylar,
şahyr, alym satylsa-da,
täze, başga nesil gelýär,
görýär olar bolýan zady,
sen aç saklap, ezip günde,
nähili tut iliň adyn,
bilýär uly, ak sakgally,
gülki bolup ölýän dünýä,
şükür, dogýar çagalarda,
gutulgusyz, bolmaly zat,
ölen gaýrat agalarda...