Jeza wagty

Besdir, indi aýdyp-diýmäň,
düşündirmäň geregi ýok,
boljak işi, geljek işi
il başyna, sabyr etse,
kaýyl bolsa mundan aňryk,
bilýär millet, garyplygy,
ýa açlygy, görkezmegiň
hiç kemini goýmadylar,
doýmadylar talaňçylar,
päli belli, niýet belli,
besdir, indi özi biler
näme etse halkyň, ýa-da
garaşmaly diýse baky,
getirjege kanun, düzgün,
adalaty, ýok ýerinden,
dolap gowy kagyzlara,
ile bagly ýetjek jeza
süýji iýen agyzlara...