Garyp we Alla

Garyplykdan seni Alla saklarmy,
öňde biri ýaly, nägile bolan,
nadyl bolan kän garaşyp öýünde,
dilän dileginiň bitjek gününe,
soň ol ölüp, o dünýede duşanda,
diýenmişin garap Taňryň gözüne,
Ýaradan, kän ýalbardym men, bir gezek
lotereýim utsun, giňesim elim,
adam ýaly ýaşap göreýin diýip,
gurasa-da doga etmekden dilim,
eşitmediň, güldi üstümden ilim...

Wah, eşitdim diýip, aglapdyr hudaý,
meňkimi ýa seň ýüregiň daşmydy?
Kän garaşdym, baryp birin almadyň,
ahyr eltip kaksam, gapyň açmadyň...