Daýanmasaň gitmeli sen

Toýda içip, içmän serhoş,
çekip tapan mugt neşäňi,
bor-bolgusyz gürrüň diňläp,
gülen bolup samsyk gepe,
zaýa bilen zaýalanma,
boşluk bilen bolma şepe,
gözel ömrüň, ýaşlygyňy
ýele berme, seret, oglan,
durmuş derýa, alar bir gün,
girdabyna salar bir gün,
bütin ömri çöp, çör bolan,
goýun bakan, dokan gulaç
ata-ene, ömri gowga,
geçir diýip günüň biweç,
ýurt goýmady yzda saňa,
daýanmasaň gitmeli sen,
eýe bolsaň eýe oňa!..