Başarýan zadymyz

Gutlaň bizi, bileleşip,
ýa-da bolup agzy ala,
öz-özümiz kemsitmegi,
bir-biregi urman urup,
aglatmagy başarýarys,
görnüp duran bolsa gözden
gözelligi ýüreginiň
ejiz gňrsek, ýolda saklap,
alýas elden çöregini...

Oňarýarys kiçeltmegi,
uly görsek sähel birin,
ownuk-uşak alsa, ýolsa,
ogurlasa ýurdumyzy,
gelejegin çagamyzyň,
guwanýarys, ýyrş-ýyrş,
begenýäris pes eselse,
şat bolýarys peselse il,
subut etdik muny üýşüp,
gömüp tapsak, tapmasak pil...