Garyp baý

Garyp baý ol, pully daşdan,
jaýlary bar onda, munda,
ýurtdan gaçyp gutulypdyr,
oturmaly türmesine
dykyp soňra doganlaryn,
aklawçylar talap ýolda,
kösenese-de türk ilinde,
kapasada babaň ýanda
ornum bardy diiýär adam,
uly-uly gürrüň edýär,
baý ogluna mahsus gepi,
ýogsa ene, ata garyp,
ili garyp, ulalypdyr
çül-çaganyň arasynda,
bir ýorganda ýatyp gije,
bir tabakdan nahar iýip,
bir çemçede gezekleşip,
awtobusa puly bolman,
ýazyjynyň ogly münse,
gapdalyndan ylgap gidip,
mekdep döwri kän kemsinen,
indi diýýär ýigrenenim
galam tutuan, şugulçylar,
garyp baý ol, pully, ýöne,
düşünjesi, dünýesi dar,
ýetse nobat, çyny – ýakjak,
gazap bilen alynjak ar
garaşyp dur içinde, wah,
ak jüýje ol, perişde ol,
a ýazýanyň bary arwah...