Tobaly goşgy

Gaýtalady, ýene berdi zamana,
şol bir göýdük adamlary, gözi aç,
göreş diýip öňe itýän, bukulýan,
eger bolsa gelip, girip jübiňde,
sowma-da, how, goý bize-de pul diýip,
o birine haýyn, muňa gul diýip,
dili uzyn, gürleýän kän utanman,
gowy eken bukulýanam arkada,
emma içden ýadadym-la diýsem-de,
öňkim ýaly göni aýdyp bilmedim,
ýa-da ýazyp, sowatmadym içimi,
ýa ýazanym çykarmadym çekerden,
hanha, ýene oňuşmady, uruşdy,
baran ýeri gapda-çanak, gördüňiz,
öňem ýokdy biziň jinnek günämiz,
gep özünde diýmesinler diýdim-de,
başym aşak, belki, wagty gelmeli,
ýol ogly sen diýip, köwşüm geýdim-de,
gitjek boldum boldugyndan ýolumdan,
uly söze toba, barýan aldyrman,
çekýänlere üzjek bolup golumdan...