Üç-dört diri

Iki-ýeke, köplük däl,
adam çykyp soraýar
adalaty, kanuny,
öldürse-de KGB,
ýok etse-de hökümet,
kanunlaşan jellatlar,
ady döwlet diýilýän
garakçylar topary,
diplom alan wagtynda,
okuw jaýyn eýeläp,
ene-ata, hossary,
soňy gelmez egriler,
keçe dykyp agzyna,
lal etse-de milleti,
bir, ikisi çydaman
agzyn açýar, soraýar,
geň galýaryn, dogrusy,
ýöne geň däl, başgaça
bolmasy kyn, bolanok
soramasa birisi,
öli dogmaz hemmeler,
bolar üç-dört dirisi...