Aňsat kynçylyk

Syýasata goşulmaýan adamlar
syýasata goşulýarlar goşulman,
syýsata goşulmaýan taýpalar,
goşulýarlar oňa daş alyp, ýaman,
erbet bolup, gowulygy ýitirip,
bilip, bilmän, goran bolup özlerin,
ýagy gelse, tabyn bolup söweşmän,
ak baýdagy galdyrýalar asuda,
sabyr, kanagatly adamlar bolup,
salyhatly bolan bolup görmäge,
emma içgin, siňe baksaň her şeriň,
her gowganyň arkasynda dur olar,
biri-birin tanaýarlar uzakdan,
dil tapýarlar hemme ýerde gürlemän,
ýa gürleşip, dil tansynda çalasyn,
bilýän ýaly peýdasyny, zyýanyn,
görmeýärler rehimsiz zalymy,
ezýänleri ýetim, ýesir, naçary,
talaýany sylaýarlar, sylaman
talanýany, hatda bolsun ýakyny,
syýasata goşulmaýan adamlar,
aňsat diýip, belki, saýlaýar kyny...