Olar, egni pagonlylar

Olar, egni pagonlylar,
güýç adamy diýilýänler,
ýa DIM bolan, ýa IIM bolan,
ýarag berlen ellerine,
täzesinden, döwre görä,
Kalaşnikow zamany däl,
aýlyk alan gowy biraz,
gorar diýme kanunlary,
bolar diýme düzgün-tertip,
başagaýlyk bolsa birden,
hazirkiden beter, artyk,
gorar diýme seni olar,
gorar diýme meni olar,
ýa penalar haz ejizi,
naçarlary içde, daşda,
durar diýme köçelerde,
gorar diýme ýurdy olar,
bolmasy iş bolsa ertir,
gorap bilmän özün kileň,
ýetde-gütde ýaşap ölen,
ölmedigi yz-yzyna
ýiten Sapar zyndanynda,
gorkma, olar edermen däl,
edenli däl, galdyr-galdyr,
gypjyn-gypjyn ýaşaýarlar,
pagonyna bakma asla,
bakma ýalan haýbatyna,
olar, eli ýaraglylar,
günün görýär ok satynyp...