Ejiz bolçulygy

Açyk ýa-da ýaşyryn,
uruş bir gün gutarar,
aýdyşy dek şahyryň,
el gysyşar söweşenler,
öldürenler biri-birin,
ýa talanlar köçede,
bolmaz başga çykalga,
gutarmasa bir tarap,
ýöne ene, o tarapda,
bu tarapda bes etmez,
ýola dikip gözlerin,
garaşmagyn ogluna,
ýere siňen birmahal…

Bu bir ene-atanyň,
ýa bir ýurduň derdi däl,
dowam edýär gowga, jeň,
top-tüpeňli, tüpeňsiz,
penjek geýen owadan,
el gysyşýar liderler,
sapar edýär uçarly,
garşylanýar gül bilen,
emma ýollar açyk däl,
kanun çala işleýär,
para gerek, pul gerek,
garyp bolsaň günüň kyn,
ýa-da tutsan garybyň,
ezileniň tarapyn,
aryn alýar kemsinen,
emel ýeten ahyry,
dogry, uruş gutarar,
emma ili talaýan,
ezýän ejiz gutarmaz,
biri ölse, ikisi
geler ornuna ýene,
kim dogurýar olary,
özün goýup kyn güne?..