Sabyr strategiýasy

Sen bir gapy, ýapylmaly,
döwlet üçin, tankyt etseň,
başga pikir etseň çala,
ýa sorasaň soraglary,
soralmaýan açyk, göni,
aýlygym az diýseň bolmaz,
ýa-da günde çörek gaýgy,
döwük-ýenjik köpri, ýollar
çukur-sukur, düzelmeýär,
suw kesilýär, kesilýär tok,
gaz satylýar, ýöne puly
ogurlanýar gurluşykda,
kim günäkär, sorag berseň,
çolarandyr daşyň görseň,
eden ýaly etmesiz iş,
ýa sabyrsyz, kanagatsyz,
ýa kemakyl, däli, tentek,
garaşar il diýýän ýaly,
wagty gelen däldir entek...