Adam we ölüm

O bir bende ölende,
tarpa-taýyn ýa ýatyp,
gowy adam, gowy däl,
bozan adam arasyn,
ýa aralyk, peýdasy,
zyýany ýok görnetin,
bary-ýogy deňeçer,
habar geler dessine,
tanyş-biliş ýetirer,
ýat illerde bolsa-da,
görmese-de onbir ýyl,
bu birleri begener,
ýeri giňän mysaly,
suwsuz ýatan, ekilmän,
pili poslap on ýyllap,
beýlekisi gynanar,
ölüm düşer ýadyna,
ýöne derrew unudar,
geň galmaýyn diýsem-de,
mydam biri gidende,
geň galýaryn kä kişä,
özi galjak mysaly,
ýüzi gülse, ýylgyrsa,
hiç üýtgemez, bilýärin,
adamzat, dünýe dursa...