Adalat ýoly

Çyksaň eger adalatyň ýoluna,
asfalty ýok, otly, uçar – hatarly,
garakçylar kesse öňüňi günde,
ýüzün boýap, göz-gaşyny oýnadyp,
ýa üýtgedip eşiklerin, sözlerin,
urulaňda, sögüleňde durmasaň,
durjak ýaly edip, ýykylyp, sürşüp,
galsaň ýene indi galmaz diýlende,
ganyň ýalap, girseň ýene söweşe,
dogan-gardaş, dost-ýar, iliň, guwanjyň,
çekilerler, gazan borsuň garasy
ýokjak her bir golaýlana, gelene,
ýöne göreş berer iliň ne berip,
ne yzyna alyp biljek zadyny,
göterersiň tä ölýänçäň gizlemän,
eneň, ataň saýlap dakan adyny...