Torbadaky ýurt

Imansyzlar aldy ýurdum,
gul etdiler il-ulusym,
lal etdiler dilli halky,
gözli halky kör etdiler,
enem, atam öldi aglap,
barmak üçin iki günlük,
görmek üçin galanlary,
goşul bize diýýär olar,
para berip, para alyp,
ýetim talap, imansyz bol,
hudaýsyz bol diýýär olar,
gülýär olar ýok diýene,
depelenýär ýurdum günde,
däp-dessurym basgylanýar,
gülki boldy gyrmyz donum,
ak telpegim, utanýaryn
geýen görsem, ýüzi galyň,
imansyzlar aldy ýurdum,
saklaýarlar torba salyp...