Özünden gaçýan halk

Öňem birniň aýdyşy dek,
bize pişik gerek gowy,
gara ýa ak, ýa-da sary,
iň esasy syçan tutsun,
köýen ýaly öňden ary...

Ýok, pişik däl, diýdi biri,
bize adam gerek, dogan,
bir el – bir el, goranmaly,
duşman ýetik içimizde,
daşymyzdan gelmeli däl,
el gerek däl jübimize
gözün dikýän arly ýaly,
dogan bolup, gardaş bolup,
ýegen bolup, ýa-da daýy,
daýza bolup iň beteri,
aglan bolup ejeň ýaly,
diňe bir ýa ikimiz däl,
ulus bolup bolduk maýyp,
bize lukman gerek, dogan,
medmafiýa, pedmafiýa,
ýa-da hukuk mafiýasy,
beýlekiler, ýylan bilen
tä çakýança ýaşaýanlar,
diplom alyp gelen gowy,
ýa aglaýan diplom ýetmän,
gaçyň ýurtdan, emma beýdip,
özüňizden gaçyp, ýitmäň...