Gymmat düşen bilim

Döwletbaşy gowy bilýär
eden zadyn il-ulusa,
özünden öň edileni,
gelejegi ogurlanan,
bolan bolup sada, samsyk,
bilýänini bilýär iliň,
şonuň üçin bir çäresi,
bir çykalga gorkuzmaly,
ürküzmeli çagasyny,
gypjyn-gypjyn bolar ýaly,
galar ýaly gowagynda,
okuw diýip okuwsyzyň,
alar ýaly sapagyny,
ýapmaly ol gapylary,
derwezäni, diňe terror,
diňe basyş gerek oňa,
döwletbaşy bilýär gowy,
saklamaly her gün daňy,
atdyrmajak bolup, gülüp,
oýnamaly oýnadany,
bir, ikisin urup, degmän
kökermeli köp adamy...