Gadaganlyk sebäbi

Men ýurdumda döwlet äri,
il adamy bolanlaryň,
duranlaryň iş başynda,
din-imanly bolan bolup,
din-imansyz bolmagyny,
bozulmagyn islemerin,
islemerin bölüjini,
birleşdirmek deregine,
agzy ala edýän ili,
müňkürleri islemerin,
gorkusyndan bu dogany
o dogana garşy goýýan,
küşgürýäni islemerin,
açlyk sepip il içine,
ala tutýan adamlary,
jynsparazy islemerin,
islemerin zalymlaryň
galmagyny garawsyz, dok,
alyp-alyp adam janyn,
çaga diýmän, garry diýmän,
gygyrmaryn şöhrat diýip,
sesim çyksa, diýerin ýok!