Gelmedik gün

Ol gün geler, hemmeler
diýer menem garşydym
seni ezen adamlara,
uranlara urman daşdan,
süýränlere sürgünlerde,
ol gün geler, ynanýaryn,
hemmeler bor maňa ýaran,
ýöne olar ondan ozal
öz-özlerin, ýakynlaryn,
çagalaryn satar arzan,
satar arzan gözel ömrün,
ýaşamaly özi bolup,
heýkel dikip ezýänlere,
gezýänlere il üstünde,
aýakgaply, sylasalar,
haly ýaly, ýumşak, tekiz,
ol gün geler, men bilýärin,
ilem bilýär, ýöne häzir
ýarany ol köp gülýäniň...