Dereksiz dil

Ähli ýerde oba şeýle,
ähli ýerde şäher şeýle,
dynç almaýar dili obaň,
şäherleriň, gerek zady,
gerek dälin bilip bilmän,
gürrüň edýär, durman käte,
görmek üçin öz ýagdaýyn,
aýyp gözläp özgelerden,
ýalňyş tapyp tonna-tonna,
gaç aýagyň bolsa abat,
gara ýokar barsaň ýanna...

Gaç tokaýa, daglara gaç,
baglar bilen gürleş, derdiň
düşündirjek bolman zordan,
biler özi biljekleriň,
geler özi geljekleriň,
ýalňyz goýman öljekleri,
ähli ýerde oba şeýle,
ähli ýerde şäher şeýle,
bilmän galýar bolanyny
dogan günüň eýýäm öýle...