Žurnalist dostlary

Žurnalisti işletmejek
diňe ganhor hökümet däl,
türmeleri hyryn-dykyn,
ili ezýän tä ölýänçä,
olar köplük, açgöz süri,
ozal biraz emel ýeten,
soň ýitiren ýumşak ornun,
ýa tagamyn alan kürsiň,
golaýyna baryp, görüp,
ýa düşünen dünýä biraz,
tanan adam diýilýäni,
iýilýäni oýnap malyn,
dogan-gardaş, dosty-ýary
kärdeşleri, eden işin
görüp bilmän öldürjek kän,
güldürjek däl ýekeje gün,
žurnalisti işletmejek,
şeýle bir kän, berekella,
şondan adam görse gaçyp,
bulutlara girýär Alla...