Talaňçylyk hukugy

Eger döwlet ýalňyşsa,
ogurlasa wagtyň seniň,
bagtyn gelýän nesilleriň,
bir däl, yzly-yzyna,
gysyp ili, doguljak
çagalaryň atasyny,
enesini maýyp etse,
gerekmejek urşa başlap,
gora diýse watanyňy,
ýok diýmeseň, gülüp gitseň,
ölseň, galsaň ýat illerde,
ýa GULAG-da diri ýitseň,
aý, bolýar-da diýmelimiş,
emma adam, çig süýt emen,
ýalňyşmaly dälmiş, döwlet
näçe talap, hor etse-de,
dar etse-de gözýetimin,
haklymyş ol näçe iýse
hakyn naçar ýa ýetimiň...