Gapy derdi

Gapy ýene ýapylýarmy,
açyl-açyl bolan çala,
galňaýarmy gara sanaw,
gysgaldylan ýaly bolan,
garalýarmy ýollar ýene,
iki günlük ýagtyldylan,
zyýarata, ata-baba
mazarlara baş egmäge,
hoşlaşmaga ýatan bilen,
soramaga hassalary
mümkinçilik bolan işik
saklanýarmy ýene üýşüp,
hasap bilen, ak däl, gara,
arly, öçli ärler turup,
ilim diýen urulýarmy,
durulýarmy dost öňünde,
duşman ýaly, gurulýarmy
ýene gapan, ýene duzak,
diýilýärmi gelsin ýatlar,
ýakyn dursun ýene uzak?..