Tanyşlyk tagamy

Sen sürüjiň kimdigini bileňok,
diýdi biri awtobusda, otluda,
ýa uçarda bilmeýärsiň kim seni
alyp barýar bulutlaryň üstünden,
emma gözüň ýumup, ýoluň dadyny,
lezzetini alyp, ýatýaň arkaýyn,
näme üçin ýurt başlygyn taryplap,
gije-gündiz öwseler-de ynjalman,
bildigiňçe, gördügiňçe işini,
hiç rahat tapmaýarsyň irkilip,
gara basyp turup, gysyp dişiňi,
sözler başga, gözler başga, ýüz başga,
okaýarsyň adamlary kitap dek,
tanamaýan bolsam diýýärsiň käşgä...