Aýlyksyz kär

Dursaň agyr, gara ýygyn öňünde,
sowulyp bilmeseň sowuljak bolup,
ýa alaçsyz, gapyl galsaň, uruşsaň,
ýaragyň ýok ýaragyna barabar,
hudaý halap, sözüň bolsa galkanyň,
diri galsaň, işiň etseň ýalkanyp,
günäkärsiň ýeňileniň gözünde,
söweş meýdanyna gelmän, görünmän,
san-saçaksyz tomaşaçy kazy bor,
prokuror bolar arly, aýlyksyz,
sebäbi sen utandyrdyň köplügi,
gerek wagty özi bilip, gelmedik,
aýyp ýeri, ýaşaýan kän ýaşaman,
diri galmaz hemme diri ölmedik...