Mukaddes kanun

Aman-esen galmak üçin,
almak üçin hak-heşdegiň,
köýen aryň uly ýolda,
mätäç wagtyň eliňdäki
çöregiňi alan aldap,
ýa-da salan kyn ýagdaýa,
ýüregiňi, päliň bilip,
galmaz ýaly içi gülüp,
iň mukaddes, iň bozmasyz
kadasy bar, kanuny bar
öwrenmeli bu durmuşyň,
iň esasy ýylgyrmaly,
ýalandan däl, ýüregiňden,
göni garap gözlerine,
gurýan wagty hile olar,
häsin berseň, ýakyn dursaň,
gürrüň etse, her zat bolar,
sen darykma, begen gaýta
samsyk saýsa, açsa sepin,
öwren gowy duşmanyňy,
içiň bermän, gürlemän kän,
çykar many her sözünden,
aýdylan hem aýdylmadyk,
soň bilersiň bilmedigiň,
ýoluň uzar, gaýdylmadyk,
kesilmedik, ýöre, durma,
daşdan görnüp, ýakyn barman,
aljagyňy bilmän urma!..