Ýaşuly maslahaty

Sen žurnalist, şahyr bolsaň,
döwrüňi bil, gyzyl çyzyk
nirden nirä çekilipdir,
ekilipdir nirde gawun,
kim nirede alýar awun,
Pyragynyň döwri däl bu,
döwri däl bu Keminäniň,
Nesiminiň döwri, belki,
döwri, belki, Sokratyň bu,
berilmeli soraglary,
ýiti, gerek wagty örän,
bermejek bol, bilmedik bol,
gozgalmaly meseläniň
golaýyna barma, aýlan,
sowul daşdan, seret kimler,
näme edip baýrak alýar,
galýar barha ýokarlaryk,
gowy güni, güzerany,
ýaşaýarlar kimler uzak,
ýöntem, mydam garaşylýan
soraglary berip, ýazyp,
göterýänin döwrüň, döwran
sürýänleriň isleglerin
bitir, ylga diýýär zaman,
çagalaryň üçin biraz,
gora özüň, saklan aman!

5.05.2026.