Şükür goşgusy

Şükür, çyrşan setirlerim
çagalarym okaýar,
hatda tapýar ýalňyşlarym,
düzet diýip iberýärler
suratyny näsaz ýeriň,
bilýär olar ene dilin,
ýat illerde, ýat dillerde
okasa-da, gürleşse-de,
arasynda tankyt edip,
aýdýar açyk halamadyk
äheňlerin, öwrümlerin,
ýa sowulan ýerim bilip,
çommaldýarlar barmaklaryn,
ýöne ajy gülmeýärler
bärden gaýtsam, gaýtalasam
hatalarym, çete degip,
diýmeýärler obaly-da,
ýöne özüm boýun alýan,
otyr içde okamadyk,
ýetişmedik okamaga,
ýa tapmadyk geregini,
gidenok ol git diýsem-de,
aýna baksam, soraýan dek
obaň tamdyr çöregini...