Akylly samsyk
Robert Musiliň äheňinde
Eger adam akyl, huşun,
bilimini, düşünjesin,
guýy gazan ýaly iňňe,
oýmak bilen gije-gündiz,
ary ýaly gülden-güle
gonup, arman toplan balyn,
dür dänesin berjek bolsa,
sowgat edip, daşyn dolap,
iň azana, iň ahlaksyz,
üç-dört ýüzlä ýa akmaga,
eli gelen, kürsüsi bar,
iş gerek-dä diýip maňa,
mätäç bolup, keýpine däl,
gara başyn satyn alyp,
ýa-da diýip dogan-gardaş,
tire-taýpam kösenmesin,
bir özümi, at-derejäm,
mertebämi pikir etsem,
azan bolar azan bilen,
akmak bolar akmak bilen,
özünden öň öljek, belki,
ady galar ýaman bolup,
ak işde däl, päk işde däl,
gara işde, eli ganly,
ýüzi gara bolar nepe,
gepe çapan iki günlük,
han, beg bilen bolup şepe...