Geçi sapagy

Dag geçisi doganyna,
gardaşyna igenmeýär,
garaşmaýar delalata,
diýmeýär ol gel, tut, galdyr,
geçir meni şu geçitden,
ýa rehim soramaýar
göge bakyp, bakyp ýere,
her ädimi hatar ýogsa,
bilýär, görýär sowulmaly
ýol-ýodasyn uçut gaýaň,
beýik dagyň ýüzünde-de,
aýna ýaly tekiz daşdan,
dag geçisi, synla, seret,
tama etmän taýyn aşdan,
gahar, gazap edip kimsä,
ýitirmeýär wagtyny hiç,
men olary görmändim öň,
bilmändim öň beýle kemsiz,
beýle kämil karar edip,
hiç ýaýdanman ýaşap bolýar,
edip bolýar erk-ygtyýar,
öz-özüňe, kesekä däl,
bilseň gowy bolmanka giç...