Çagalardan ar alma!

Sen döwletde gowulyk,
abadanlyk isleseň,
dogry sözli adamy,
gündiz eliň çyraly
gözläp tapyp urmarsyň,
öldürmersiň dogruçyly,
ýa etmersiň dymar ýaly,
ýa etmersiň gaçar ýaly,
başyn alyp, başarmasa,
ýat illere Alla diýip,
sen döwletde düzüwlik,
rahatlyk isleseň,
uruş däl-de üst örtüli,
arman ekýän, ahmyr ekýän,
gahar ekýän bag ýerine,
kast etmersiň dogry sözlä,
ar almarsyň çagalardan,
gaçan bolsa, tapyp gözläp...