Il derdi
If all you have is a hammer, everything looks like a nail. Abraham Maslow
Eger çaga çekiç berseň,
çüýdür öýtse ähli zady,
depesinden eňtermeli,
günäsi däl oglanyň bu,
belki, seniň ýazgygyň bor,
uly bolup görkezmeseň
haçan, haýsy ýerde nädip,
näme üçin ulanmaly,
ýa gul näme, gural nämä
gerek, adam ak girse-de,
aň girmedik bolar käte,
ulalsa-da oňalmadyk,
garrasa-da çaga ýaly,
ýetim bolsa, ýetim galar,
çagalykda şarpyk iýse,
ýa aç galsa, igli bolsa,
ýa ýaşlykda ýurdy batan,
türmä bassa adam satan,
çyksyn üç gün ýatyp, belki,
hakykatda altmyşda-da,
ýetmişde-de çykmaz ondan,
ýatlar ýörer depip açyk
gapylary, pikir etmän,
pikir edip şol bir ýerde,
sen hiç haçan gutulmarsyň,
görmän, bilmän näme derdiň...