Adam hatasy

Sen adamy duşman saýyp, dost saýyp,
ýek ýigrenme, gaty getirme golaý,
duşman diýlen çyksa birden ganymat,
dost diýýäniň çaksa ýylandan beter,
gizläp gezip päl-niýetin içinde,
soň bilersiň awusyny, zäherin,
süňňe ornan, oslanmadyk ogrular,
piri bilen dil düwüşip şäheriň,
saňa garşy müň bir duzak gurandyr,
hudaý gorap, aman galsaň, gutulsaň,
utanarsyň, müýnli borsuň soňundan,
sen adama berme artyk bahany,
hem kem berme bahasyny, peşeler
pilden güýçli bolar pursadyn bilse,
sen adamy duşman bilip, dost bilip,
hata etme bilmän çytylsa, gülse...