Erjellik

Şu bolşuňy sakla gorap,
berme kimsä, olar gowy
görýär seniň erjelligiň,
tutanýerli, höçjet, belki,
hem çydamly, hem sabyrly,
kanagatly, sylaýarsyň
wezipeli, emel ýeten
näme diýse kaýyl, ezýär,
aýlygym az diýmeýärsiň,
diýmeýärsiň halys boldum,
besdir indi goýjak, gitjek,
ýa protest etjek çykyp,
düşünýärsiň ýagdaýlara,
çykdajy kän döwlet bolsaň,
şäher gerek giň, owadan
jaý gurmaly, dursa-da boş,
gepe gitmän, öz pikiriň
goraýarsyň, aç diýseler,
hor diýseler çagalaryň,
kän gürleşmän, diýýärsiň hoş,
sebäbi ýat, keseki däl,
ezýän eziz agalaryň...