Kyn pursat

Millet gutaranda ilki şahyry,
ýazyjysy ölýän eken dirikä,
ölenini bilmän, kast edip günde,
öz-özüne el galdyryp, arkadan,
ýa öňünden gelip, elin daňsalar,
dili bilen alýan eken aryny,
başgadan däl, gyşa öwürip ýazyn,
öz-özüni aldap, oýnaýan eken,
içip, çekip, ýa-da okap namazyn,
iki ýüzli, on bäş sözli, günaşa
ýel ugruna üýtgäp, ýelesiz galyp,
ýa ygyna düşüp bolman hiç haçan,
millet gutaranda gutulmak müşgül,
ýa galan bol, ýa-da baş alyp gaçan...