Gazal duzagy

Ýazyjylar, şahyrlar,
beýlekiler, sylagly,
öňün çekýän milletiň,
il ýüzüne, elbetde,
hakykatda iň yzda,
hakykatda iň garyp,,
agysyna aglaman
ezileniň, naçaryň,
görmän ili görse-de,
dykyp jam dek gulagyn,
gep-gybatdan doýmaýan,
adam bolup dilinde,
köwşün elden goýmaýan,
ylgap nepiň yzynda,
ýa yzynda keýpiniň,
ýanan bolup ýalandan,
biri bolsaň içinde,
sylap goýmaz sylasaň
il-ulusyň artykmaç,
özüň goýup bir gyra,
bagyşlamaz ownanlar,
iri bolsa pikiriň,
çüpräp galan sürüde,
sen ägä bol galamly
adamlardan ozaly,
oka, aýdar kimdigin,
gizläp bilmez gazaly...