Türme duzagy

Käte adam gynanýar soň,
ýada düşüp duran ýeri,
ýa saklanan pursatlary,
aýtman dile gelen sözi,
gitmän ýoldan gidilmeli,
ýol başyndan, ortasyndan
gaýdan ýeri, çekileni
berýär ejir, eger diýýär
diýen bolsam öz sözlerim,
öz pikirim, gaýtalaman
ýesir düşen iliň sözün,
giden bolsam öz ýolumdan,
sowulmadyk bolsam sola,
düýpden başga adam bordum,
dil bilerdim, ýol bilerdim,
ýa gürlärdim has başgaça,
soňra diýýär ozal galmak,
aman bolmak meseledi,
meseledi goramagyň
gorap biljek adamlaryň,
üşetse-de ýatlama kän,
gözenekden sürnen gary...