Soragly dirilik

Il özüni basgylatsa,
döwlet gelip, iki däl-de,
müň aýakly basar ýüzden,
el-aýagyn ysmaz eder,
ysmaz eder beýnisini,
peýda bolmaz aglasa soň,
ýa gaharly, paýyş sözden...

Il özüni sylamasa,
sylamasa atasyny,
enesini sylamasa,
sylamasa çagalaryn,
goňşy-golam, bir-biregi,
goramasa urlan wagty,
dogrusyny aýdyp biri,
hä diýen bol diýse bir zat,
ýöne saýma beýle diri...