Ýata suw duzagy

Azatlygyň özi birden,
aýak bitip, ýörjen-ýörjen,
ylgap, gülüp gelmeýär,
saklaýarlar ony ýolda,
sorag edip her ädimde,
o birleri birnäçe ýyl,
beýlekisi bütin ömri
azap edýär ile gerek,
zerur diýip sözi, erki,
o birleri sürgünlikde
galýar düýşde gidip ýurda,
bu birleri öldürilýär,
ýa keselläp, gaýgy-gamdan
ýaşan ýaşy ýaş bolmaýar,
gel diýseň-de olar soňra
bu göreşe, gykylyga
ýalbarsaň-da goşulmaýar,
ýagyş, ýagmyr ýagmasa hiç,
derýa bolsaň, däli, jeýhun,
joşjak diýip joşulmaýar...