Pida duzagy

Düýnki pida, ýetim ösen,
şarpyk iýen her öwrümde,
kemsidilen kemsidilmän,
kemsidilmän kemsidilen,
özün saýyp kiçi, ejiz,
hossar biler ganhorlary,
basyp alan ilin, ýurdun,
ýa atasy ogry-jümri,
gorkup ýaşan gypjyn-gypjyn,
çagalaryn ezip öýde,
iliň bagty ýatyp beter,
eli gelse ertesi gün,
kürsi ýetse görülmedik,
aryn alar çem gelenden,
basgylar ol ilin, göýdük
ruhuna gözläp melhem,
eseler ol görse pesi,
ýöne güýçli bolsaň başga,
adyn sorsaň, çykmaz sesi.